Ena tikina oqo keitou vakaitovotaki keitou kina me keitou vakabibitaka na i vakavuvuli ni nodra cuqeni vakamatau na marama ka vakararamataka na cakacakavata, veivakatoroicaketaki ni bula ka tu vakarau me keitou rogoca na domodra, qaravi ira na tamata kei na noda vuravura ena nodra vakatoroicaketaki.
Keitou dau taleitaka na kena vakatovolei kei na kena vakayagataki na veivuli totolo ka vakaukauwataka na kena rawati na i tuvatuva matau ka rawa ni railesuvi, vakavulici, vakayagataki, me bulataki na vakaukauwataka ni neitou cakacaka. Keitou dau tarogi keitou vakawasoma se gaunisala cava tale beka e rawa ni tauyavutaki me rawa ni cuqena na kena veivakavoui na nodra toso ki liu na daunivakavurevakasama vei ira na marama kei ira era sega ni wili ena i wasewase levu e rua, e wasewase ena Esia kei na Pasifika, se “Me tauyavutaki vakacava na nodra maroroi ka bula sautu ena nodra dui i tikotiko kei na nodra vanua ni cakacaka?”
Keitou vakabauta ni i naki kei na neitou yavu vakamareqeti e rawa ni moica ka vagolea na i tosotoso ni sasaga oqo me dua na veisau rabailevu ka keitou vakasaqara tiko ena neitou veituvatuva ka wili kina na:
Vakabibitaki ni tamata kei na kena tutaki vakamatau na veivakabulabulataki.
Keitou vakabauta ni veivakaukauwataki oqo e usutu ni veivakauqeti vakayago, na, kauwai ni maroroi ni yaloda kei na bula vinaka. Keitou vakaiyautaki ena i yaubula ni kena maroroi kei na nodra taqomaki na daunitataqomaki ena nodra dodonu, na daunivakavurevakasama ena taqomaki na nodra bula vinaka, na bula sautu kei na nodra rawa ni bula daumaka ena nodra sotava na veileqa tubukoso.
Na kena vakavouitaki tiko na qarauni ni soqosoqo vakamareqeti ni marama, veitokoni ni veiliutaki kei na duavata ni soqosoqo. Keitou vakabauta na titobu ni veisau oqo ena kune ruarua na kena revurevu vei keitou kei ira na daunivakavurevakasama kei na vei sasaga eso.
Keitou sega ni vakayaco porokaramu se projects; ia, keitou vakarautaka na na veisala ni veivakaiyautaki vakailavo se na i yau e vukea nodra vakaiyaragitaki na daunivurevakasama, na veisoqosoqo kei na kena veisala ni veiqaravi.
Na neitou vakaitavi ena veiqaravi ni veisau
Na matabose ni veivakailavotaki oqo e tu vakarau me ciqoma na veibeitaki ena kena veiwaseitaki na kaukauwa ni veidinadinati vei rau na dauniyau kei koya e ciqoma na veivakailavotaki ena vualiku ni vuravura raraba kei na ceva ni vuravura raraba (global north and global south).
Oqo e umana na vanua e vakayacori kina, na veigaunisala ni vaqara i lavo, kei ira na daunisolika vakailavo, ka okati kina na neitou veimaliwai e veisiga kei ira na daunivurevakasama ka vaka kina o ira na neitou matabose levu era vakailavotaka na neitou i soqosoqo. Keitou rokova ka vakacaucautaka na rabailevu ni nodra kilaka kei na nodra yalodei ena neitou tabana ni cakacaka.
Na kena vakatautauvatataki na kena vakabibitaki na veitabana kece ni neitou cakacaka
Na veiwekani ni veitabana ni neitou cakacaka e oka kina na veivakailavotaki, vakacokotaki ni veisemati me railesuvi ka vakacokotaki, veivakabulabulataki ni yalo ni lomasoli, tokoni ni veitabana ni veitaqomaki kei na veikauwaitaki vei ira na daunivakavurevakasama ka vaqaqacotaki na i soqosoqo kei na i tovo vakavanua e da gadreva me da rawata vinaka na veiqaravi oqo.
