Na veivuke ni veivakailavotaki oqo e vakatabakidua vei ira na daunitataqomaki vei ira na marama kei ira era sa sega ni wili ena wasewase levu e rua; yalewa se tagane e na veisoqosoqo e Esia kei na Pasifika me vakarawarawataki na kena sotavi na nodra leqa taumada se leqa tubu koso ka rawa ni maroroi kina ka vakatoroicaketakina kina na nodra bula. E vakatabakiduataki vei ira na tamata yadua, i soqosoqo era lako curuma tiko na veivakalolomataki se gauna dredre ena gauna era valataka tiko kina na nodra dodonu vaka marama kei na nodra dodonu ni tamata yadua. E vakarautaki talega vei ira era gadreva na veisotari ena gauna ni leqa tubu koso me vaka na kena vakarautaki na veivakasalataki vei ira era vakaleqai ena tikina oqo, o ira na veiqaravi vei ira na vakaleqai ena mavoa ni yalo/na nodra bula ni veimaliwai kei na veivuke vakavuniwai.
i Tuvatuva ni veivakailavotaki
- Marama kei ira era sega ni wili ena i wasewase levu e rua, na yalewa se tagane – O ira na daunitataqomaki vei ira na Marama kei ira era sega ni wili ena i wasewase levu e rua, na yalewa se tagane, e vakatabakiduataki vei ira na veivuke vakailavo oqo ka vakadeitaki ena nodra matataki na veivuke oqo mai vei ira na i soqosoqo ni marama tudei ena nodra vanua.
- Na valataki ni dodonu ni tamata kei na kena i le - Na daunitataqomaki se i soqosoqo e vakatoroicaketaka ka vakarabailevutaka na nodra dodonu ni toso i liu o ira na marama/LGBTIQs ka ra vakayagataka eso na i tuvatuva kei na i vakasala ka tutaka na dodonu ni tamata yadua e vuravura.
- Veivakaleqai Tubukoso – na kena sotavi ka wali taumada na leqa tubukoso ka rawa ni vakaleqai kina na daunitataqomaki se nodra dui i soqosoqo.
- Tokoni ni Veitaqomaki kei na Bula Vinaka – Na veivakailavotaki kerei oqo e vakarautaki vakatabakidua me sotava na veigaunisala ni veitaqomaki ka bau kina na (veivukei vakalawa, na tokitoki kei na vakatalai, na dikevi ni leqa tubu koso kei na vakayacori ni veivuli eso e sotava na gagadre kei na veivuke vaka vuniwai) vei ira na daunitataqomaki kei na nodra dui i soqosoqo.
- Ena gauna ni leqa kei na cava ni leqa tubukoso - na veivakailavotaki oqo e vakarautaki me vukea na kena taqomaki kei na bula vinaka vei koya e vakaleqai kei ira na i soqosoqo era lewena ena gauna e yaco kina na leqa, se ena gauna sara ga e sa cava kina.
- VeiTokoni se Veisemati – O ira na Daunitataqomaki kei na nodra dui i soqosoqo era tokoni tale ga mai vei ira na veisoqosoqo tale eso ena nodra vanua ka bau kina e vanua tani ka ra veiqaravi tale tiko ga ena kena tutaki na nodra dodonu yadudua, dodonu vakamarama, kei na dodonu e so ni tamata ena noda yasayasa se tara na vanua taucoko.
Na veitaro kei na kena i sau ni taro
Ke dua na nomu vakatataro, imeli mai vei keitou ena grants@uafanp.org
Mo ni vakamuria vakamatailalai kece na veitaro e gadrevi ena veivakailavotaki oqo.
Na veivakailavotaki ni UAF A&P e sega ni tokona na:
Na tagane (cisgender) e tokoni me tagane maivei ira na veilawalawa se veisema era semati kina
Kerekere ni tamata yadua ka sega ni vakadonui mai e dua na i soqosoqo,
O ira na i tikotiko vakadei se o ira na veisemati vakacakacaka se dua na daunivakasala ni UAF A&P;
Qaravi ni i tavi vaka cakacaka se cakacaka ni leqa vakatamata raraba se leqa tubukoso
Na qaravi ni i tavi vakacakacaka e vakatoroicaketaki se veivuke vei ira na vakaloloma
Na veivakatorocaketaki se i tavi qaravi ka ra tiki ni parokaramu tudei ni dua na mataisoqosoqo;
Tuvailavo ni veiqaravi se veivakailavotaki me kuria na i tuvatuva sa davo oti tu
* O ira na tagane (cisgender) se o ira na tagane era digitaka mera tagane ka ra a lesi ni ra sucu mera vakatokai mera tagane.