• महिला वा गैर-द्वयसांखिक मानवअधिकार रक्षकहरू यो कोषको प्राथमिक लाभकर्ता हुनेछन्; महिला वा गैर-द्वयसांखिक नेतृत्वः महिला अधिकार संस्थाहरूको अनुमोदनसहित आएका आवेदनहरूलाई प्राथमिकता दिइनेछ ।
• मानवअधिकार केन्द्रितः मानवअधिकार रक्षक वा संस्थाले महिला तथा सीमान्तकृत यौन अभिमुखीकरण, लैंगिक पहिचान तथा यौन विशेषताका व्यक्ति (LGBTQI) हरूको मानवअधिकारको प्रबर्द्धन गर्नुपर्दछ । अहिंसात्मक नीति तथा रणनीतिहरूको अवलम्बन गरी मानवअधिकारको विश्व-व्यापकतालाई सम्मान गरेको हुनुपर्दछ;
• अप्रत्यासित र/वा अपर्झटः रक्षक वा उनीहरूका संस्था जोखिममा परेको विशेष घटना वा परिस्थितिमा आपतकालिन वा संकटकालिन संबोधन गरिएको हुनुपर्दछ;
• सुरक्षा र दैनिक जीवनस्तरको लागि सहयोगः अनुरोध गरिएको कोष रक्षक वा उनीहरूका संस्थाहरूको सुरक्षाका उपायहरू (जस्तैः कानूनी सहायता, स्थान परिवर्तन वा सुरक्षित स्थानमा सर्ने, जोखिम मूल्याङ्कन र प्रशिक्षण, सुरक्षाका उपकरणहरू); र/वा दैनिक जीवनस्तरका लागि आवश्यक (जस्तैः मनोवैज्ञानिक परामर्श, मनोसामाजिक आघातको उपचार, स्वास्थ्य-चिकित्सा सहायता) कुराहरूका निमित्त हुनुपर्दछ;
• संकटको बेला वा संकटलगत्तैः अनुरोध गरिएको कोष संकटको समयमा, वा त्यसलगत्तै रक्षक वा उनीहरूको संस्थाहरूको सुरक्षा र दैनिक जीवनस्तरमा सहयोग गर्नका लागि हुनुपर्दछ;
• सहायता वा सञ्जालः रक्षक वा उनीहरूको संस्थासँग अन्य महिलाका मानव अधिकार, यौन अधिकारमा संलग्न वा स्थानीय एवं राष्ट्रिय तहका मानवअधिकारसँग सम्बन्धित क्षेत्रको समर्थन हुनुपर्दछ ।

प्रायः सोधिने प्रश्नहरू यहाँ पढ्नुहोस्

सम्पर्कका लागि grants@uafanp.org मा इमेल पठाउनुहोस् ।