Ang pandemya dulot ng COVID-19 ay lalong nagpahirap sa sitwasyon ng mga kababaihan at non-binary ng  tagapagtanggol ng karapatang pantao at aktibista sa Asya at Pasipiko. Nakatanggap kami ng mga kahilingan para sa suporta mula sa mga grantee, advisors, at mga kasama sa komunidad mula sa iba’t ibang rehiyon na apektado ng krisis ng pandemya.

Alinsunod sa pangako ng UAF A & P na suportahan ang mga kababaihan at non-binary na  tagapagtanggol at aktibista, nagbukas kami ng isang grant na partikular na susuportahan ang pang-ekonomiya at pangunahing mga pangangailangan sa panahon ng COVID-19. Nagtabi kami ng USD $ 200,000 mula sa badyet ng 2020-2021 para mapondohan ito, at nasa proseso kami ng pag-hahanap pa ng mga karagdagang pondo. Ang grant na ito ay bukas hanggang 30 Hunyo 2021.

Saklaw ng COVID-19 Grant:

Pwede ang grant na ito sa mga kababaihan at non-binary na tagapagtanggol ng karapatang-tao, mga aktibista at samahan sa Asya at Pasipiko, para matugunan ang kanilang pangunahing mga pangangailangan (ie pagkain, pabahay, suportang pang-ekonomiya) dahil sa tugon ng kanilang gobyerno sa COVID-19 pandemic. Ito ay inilaan para sa isang indibidwal o organisasyon na nakakaranas ng ekonomikal na kahirapan para matugunan ang kanilang pangunahing mga pangangailangan.

Para sa iba pang mga kaugnay na pangangailangan sa COVID-19 ito ay sakop na ng aming ibang grants(ibig sabihin pasok ito sa, Security and Well-Being and Resourcing Resilience grants).

Halimbawa:

     • Suportang medikal

     • Wellness/healing/community care/trauma-related work

     • Pag-access ng mga digital spaces para sa mga online na gawain o pagtitipon  (hal. VPNs o iba pang mga tool sa seguridad sa digital)

     • Relocation o pangangailangan ng quarantine house / space

     • Gastos sa transportasyon dahil sa lockdown

A.Criteria

• Ang mga pangunahing dapat makatanggap ng grant ay mga kababaihan o non-binary na indibidwal, okaya organisasyon na pinamunuan ng kababaihan o non-binary na indibidwal na nagtatanggol sa karapatang pantao, mas mabuti na maibigay ang grant sa pamamagitan ng mga organisasyon na kumikilala sa karapatan ng mga kababaihan.
• Pokus sa Karapatang Pantao – ang indibidwal o organisasyon ay dapat nagsugsulong ng mga karapatang pantao ng kababaihan at / o LBTQI gamit ang mga hindi marahas na stratehiya habang itinataguyod ang unibersal na karapatang pantao;
• COVID-19 - Ang grant ay dapat na inilaan upang suportahan ang mga kababaihan at non-binary na tagapagtanggol ng karapatang-tao, mga aktibista at kanilang komunidad (pormal man o di-pormal) sa panahon ng COVID-19 pandemic, partikular na:
• Para sa suportang pang-ekonomiya na makakatulong sakanila at sa kanilang komunidad (hal., Pag-aayos ng mga community kitchen, pamamahagi ng mga binhi na kanilang pwedeng itanim sa bahay para sa seguridad ng pagkain;
• Para sa mga marginalized na grupo ng mga aktibista na nakararanas ng diskriminasyon, at hindi maka access ang tulong ng gobyerno sa panahon ng krisis na ito (hal., Komunidad ng mga aktibista na transgender na hindi makagamit ng mga pasilidad sa pangangalagang pangkalusugan na dapat ibinibigay sa publiko).
• Timeline – Ang mga grant request ay dapat matanggap mula ngayon hanggang Hunyo 30, 2021.

B.Available grant amount

Magbibigay ang UAF A&P ng grant na hanggang USD $ 5,000 lamang.

II. Mga dapat tandaan bago mag apply

A. Paano Mag-apply

Mag-apply online o i-download ang Security and Well-Being Grant Application, pagkatapos ay ipadala ito sa grants@uafanp.org.

B. Communication Channels

Ang UAF A&P ay tumatanggap lang ng email mula sa Protonmail at mensahe mula sa Signal. Hinihikayat naming gumamit ng ligtas at naka encrypt na mga channel ng komunikasyon,para na din sa iyong seguridad at privacy. Mangyaring ipadala sa amin ang iyong aplikasyon at mga query sa pamamagitan ng mga sumusunod na email address:

1. Para sa inyong grant application at mga katanungan, ipadala ito sa grants@uafanp.org
2. Para sa mga teknikal na problema sa paggamit ng online application, mangyaring bisitahin ang pahina ng Frequantly Asked Questions o magpadala ng mensahe sa esther@uafanp.org.

C. UAF A&P's Advisors

Ang grantmaking ng UAF A & P ay dumadaan sa aming mga tagapayo sa rehiyon at bansa na pinagkakatiwalaan namin upang sumuri ang mga inirekumendang aplikasyon. Ang mga desisyon ay ipinapaalam sa bawat aplikante pagkatapos naming makatanggap ng pag-endorso mula sa mga tagapayo.

D. Requirement for Grantees

Ang lahat ng mga tumatanggap ng grant ay kinakailangang magsumite ng huling report kung paano ginamit ang pondo sa loob ng 6 na buwan.

E. Requirement for Previous Grantees

Ang mga dating nakatanggap na ng grant na ito ay maaaring muling mag-apply sa grant na ito. Ang desisyon sa makakatanggap ng grant ay case-by-case-address.

F. RRG Approval Process

Ang proseso ng pag-apruba ng mg aplikasyon ay kapareho ng aming regular na mga grant.