Mipela I kamap wantaim ol kainkain nupela rot bilong wokim samting, mipela I ken toktok strong na kros tu long rait bilong mipela na mipela I save wok hat long givim helpim long lukautim sekiuriti na laip.
Insait long wok bilong mipela, mipela I bihainim ol veliu o gutpela pasin na tingting bilong ol meri we I strongim pasin bilong wokbung na long wok kamap. Dispela ol veliu o gutpela pasin na tingting I putim paslain pasin bilong sori, lukautim laip bilong ol manmeri na bilong graun. Mipela I no wari long mekim win-moni.
Mipela i save laik traim ol nupela rot bilong mekim samting, na mipela I save yusim ol nupela save long helpim strongim wok bilong mipela long lukluk bek, lainim, senis na go het strong moa long wok bilong mipela. Long wanwan wokabaut, mipela I askim mipela yet olsem: “Bai mipela I mekim wankain kain samting tru long sapotim na strongim ol meri na ol raits grup insait long Esia na Pasifik, na kamapim strongpela banis long lukautim na strongim wok bilong ol?”
Mipela I bilip olsem sapos I gat gutpela driman na veliu, ol nupela wok mipela I mekim bai I gat gutpela kaikai long en we I ken bringim senis we mipela I laik kamapim.
Ol rot mipela I bihainim em olsem:
Helpim mipela I givim I mas sut long helpim ol manmeri long gutpela na stretpela rot.
Mipla I save olsem long stap laip na stap strong, mipela I mas givim sapot long bodi, kago na pilim o tingting bilong ol manmeri. Mipela i save givim bikpela taim long helpim na lukautim sekiuriti bilong ol lain I pait long banisim rait na tu mipela I givim wankain sapot long lukautim laip bilong ol, amamas bilong ol na mipela I laik ol I mas stap gut na wok long taim bilong hevi na birua.
Growim meri kalsa o pasin bilong lukautim, wok lida na wok bung wantaim. Mipela I bilip long wok bung bilong mipela yet na bilong ol Raits Grup o lain I pait long banisim rait bilong ol.
Mipela I no save statim na ronim ol progrem na projekt. Mipela I save saplaim na kontrolim mani na ol arapela sapot I go long ol wanwan lain, ol grup na netwok bilong ol grup.
Mipela lukim mipela yet olsem hap bilong grup I pait strong long bringim senis.
Olsem ol lain I save givim fading, mipela I mas was gut long wanem samting I kamap namel long mipela yet na long ol lain I kisim sapot bilong mipela, na tu long wanem samting I kamap long olgeta hap bilong Not na Saut. Dispela I minim wanem kain rot, wanem hap na long husait tru mipela I laik kamapim mani long helpim, na wok na stap bilong mipela olgeta dei wantaim ol raits grup na tu wantaim ol lain I helpim mipela. Mipela I rispektim save bilong ol na mipela I luksave long indipendens na digniti o rait bilong ol taim mipela I wok wantaim ol.
Mipela I putim wankain rait na veliu long olgeta hap bilong wok bilong mipela
Mipela I mekim ol kainkain wok, na sampela bilong ol dispela wok em wokim mani, kamapim ol ples bilong lukluk na tingting bek na apim na kamapim nupela ol tingting, senisim sindaun, sapotim na kamapim ol strongpela wok bung long lukautim ol lain I pait long rait bilong ol na tu long strongim ol system na kalsa we mipela I nidim long strongim dispela wok.
