Ol Grent o Helpim Bilong Mipela
UAF A&P i save givim helpim o fanding long ol meri na ol non-binary (1) ektivist o ol lain husait I pait strong long banisim rait bilong ol long stap olsem man na meri wantaim. UAF A&P I save helpim tu ol famili bilong dispela ol lain na grup ol I stap na wok long en taim ol hevi I bungim ol.
Mipela I givim tupela kain gren o helpim. Sekiuriti na gutpela laip gren o helpim em I bilong ol lain husait I stap long bikpela hevi tru na bodi na tingting bilong ol I klostu laik bagarap. Na narapela helpim em long givim mani we I ken sapotim ol projekt we I ken strongim na sapotim ol lain long sanap long strong bilong ol yet. Dispela helpim em bilong givim strong long ol lain bai ol I ken redim ol yet long taim birua I bungim ol o long taim ol I laik redi long bungim we I ken kamap insait long 3-pela inap long 6-pela mun. Sapos yu aplai o askim long helpim, mipela I askim yu long stap isi na wetim mipela taim UAF A&P I lukluk na skelim leta bilong yu. Yu bai kisim bekim bilong pas o leta bilong yu insait long 48 o 72-pela auwa. Mipela I toktok moa long yu long sekim yet ProtonMail inboks bilong yu o, yu ken sekim UAF A&P akaun long kisim ol toktok save bilong yu. Taim olgeta pepa wok I redi na sapos ol I wanbel long givim helpim long yu, yu ken wet inap 10 o 15-pela dei tasol na bihain yu kisim mani bilong yu.
OL KAIN GREN O HELPIM MIPELA I GIVIM
Grent bilong Sikiriti na Gutpela Sindaun
Dispela grent em I stap redi long helpim ol meri na tu ol non-binary(1) o rait grup, em ol lain husait I save pait strong long banisim rait bilong ol insait long Esia na Pasifik we I gat bikpela nid nau yet o bikos hevi bai I kamap long ol long kain laip ol I stap long en. Dispela helpim em I sut long sapotim wanwan lain o grup husait I wok long bungim hevi long laip na wok bilong ol, o taim ol I wok long banisim laip na rait bilong ol meri na bilong ol arapela lain manmeri. Dispela helpim I save sut tu long helpim wok bilong givim gutpela skul na tingting long lain I gat bagarap long tingting na tu long taim bilong birua long het na marasin bilong helpim.
Givim Ol Grent o Mani long Strongim na Sapotim Wok
Dispela grent o helpim em I stap redi long helpim ol meri na non-binary(1) o rait grup husait I pait strong long banisim rait insait long Esia na Pasifik husait – long strong bilong ol yet o wantaim helpim bilong ol arapela – I laik kamapim wanpela projekt o I laik givim helpim long sapotim wok bilong ol meri o long strongim wok bilong banisim rait bilong ol arapela pipel.
Ol kainkain rot bilong helpim lukautim laip
Wanwan lain, ol grup o ogenaisesen husait I stap wok wantaim UAF A&P aninit long wapela program bilong en ol I kolim long Enabling Defenders o Helpim Ol Lain I Banisim Rait, we I sut long strongim wok bilong lukautim laip bilong ol meri na raits grup, em ol dispela lain tasol I ken kisim dispela helpim. Ol lain I ken aplai o askim long kisim dispela helpim sapos ol I kisim invatesen o askim long aplai.
Approval Process
Sapos wanpela lain husait I save sanap na pait strong long rait I laik askim long UAF A&P helpim, orait pastaim yu ken kamapim wanpela e-mail akaun ol I kolim long ProtonMail we mipela I ken toktok wantaim yu. Taim yu yusim dispela e-mail ID, yu ken rejista long Repid Rispons Grent (RRG) sistem. Taim yu pulamapim nem na ol arapela toksave long yu yet, yu mas sekim gut na pulamapim olgeta liklik askim insait long dispela pepa. Taim yu givim dispela aplikesen o pepa I go, ol bai I givim yu wanpela namba na tu wanpela man o meri husait bai I helpim yu long kisim dispela grent o helpim. Bai yu kisim bekim bilong askim bilong yu insait long 48 o 72-pela auwa. Insait long dispela taim yu wet, ol ofisa bai I lukluk na glasim gut tru pepa yu bin putim I go insait. Mipela I toktok strong olsem yu mas sekim ProtonMail inboks bilong yu o, yu ken sekim UAF A&P akaun long kisim ol toktok save bilong yu. Taim olgeta pepa wok I redi na sapos ol I wanbel long givim helpim long yu, yu ken wet inap 7 inap long 10-pela bisnis dei. Ron bilong dispela grent o helpim I save pas taim ol lain husait I kisim helpim I salim bek ol ripot long toksave long wanem rot ol I bin yusim dispela grent o helpim mani.
OL SAMTING LONG DISPEL OL GRENT O HELPIM EM YU MAS SAVE LONG OL:
Ol grent o mani bilong helpim I stap redi na I stap long mak bilong $5 000 USD. Mipela bai I lukluk gut na glasim gut sapos wanpela grup o man o meri banisim raits I askim moa long wanpela taim long kisim dispela helpim.
Olgeta lain I askim long kisim helpim long mipela I mas bekim long wanpela bilong ol grent o helpim. Ol I ken kisim GRANTS ELIGIBILITY ASSESSMENT
Mipela I askim yu long wet na stap isi taim UAF A&P I lukluk na skelim pepa bilong yu. Plis yu mas wet long harim bekim bilong mipela insait long 48 inap long 72-pela auwa. Mipela I toktok strong olsem yu mas sekim ProtonMail inboks bilong yu o, yu ken sekim UAF A&P akaun long kisim ol toktok save bilong yu. Taim olgeta pepa wok I redi na sapos ol I wanbel long givim helpim long yu, yu ken wet inap 10 o 15-pela bisnis dei.
Mipela I kisim toksave bilong mekim mani long boslain long rijin na kantri husait I save helpim mipela gut tru long skelim gut ol aplikesen o askim pepa.
Mipela I no inap tru long tokim ol arapela long yu husait tru, na mipela wok strong long lukautim seifti o laip bilong yu. Mipela I serim aplikesen o askim pepa bilong yu wantaim UAF A&P edvaisa o ol lain husait mipela I gat bilip long ol.
Taim mipela I tok orait long givim helpim, yu ken kisim mani bilong yu insait long 10 o 15-pela dei.
Olgeta lain husait I kisim mani long mekim wok, I mas salim ripot I kam bek long ofis long tokaut long rot ol I bin yusim mani.
Sapos yu laik salim na kisim toktok wantaim mipela, yu mas yusim dispela rot: long email yusim ProtonMail na Signal sapos yu laik salim toksave. Sapos yu gat sampela askim long ol aplikesen o askim bilong yu, yu ken yusim dispela adres: grants@uafanp.org. Sapos yu gat askim long sait bilng teknoloji, salim askim bilong yu long esther@uafanp.org.
Long save moa, plis sekim seksen bilong mipela long FAQs
*Non-binary em i bikpela nem ol I givim I go long ol lain husait i no save tok klia olsem ol i man o ol i meri – olsem na ol i hat long yumi kolim ol man o meri. UAF A&F i save yusim dispela nem long karamapim ol kain lain olsem androgyny em ol lain husait i gat mix pasin bilong man na meri wantaim, polygender em ol lain I gat kainkain pasin bilong man na meri wantaim, genderqueer em ol husait I no laik stap olsem man o meri, gender fluid em ol lain husait i stap olsem man na bihain senis I go olsem meri o sampela taim ol I tok ol I no man o meri, a-gender em ol lain husait I no man o meri.
UAF A&P grent o helpim I no save sapotim:
ol man na ol grup wei i save wok wantaim ol man tasol;
Wanwan rikwes we grup o ogenaisesen I no sapotim
ol askim i kam long ol man na meri na i nogat wanpela kominiti grup or wanpela grup i sapotim ol or lo wanpla man o meri husait em I wanpla man wok long UAF A&P na I save givim tok skul
Wokim wok o projekt bilong stretim hevi I kamap lo taim blo disaster or sampla kain hevi
Ol wok we I stap bilong givim samting tasol olsem donesen na ino kamapim trupla senis
Ol projek o wok we em I wanpla as wok we ol lain wokim pinis lo ogenaisesen bilong ol
Sapotim moni basket bilong wanpla orgenaisesen o long halivim ol lo wanem hap ol I sot long moni long mekim wok
* Cisgender Man em ol lain husait I tokaut olsem ol I man na I sanap strong olsem ol tasol I man.