Dispela grent o helpim em I stap redi long helpim ol meri na non-binary o rait grup husait I pait strong long banisim rait insait long Esia na Pasifik husait – long strong bilong ol yet o wantaim helpim bilong ol arapela – I laik kamapim wanpela projekt o I laik givim helpim long sapotim wok bilong ol meri o long strongim wok bilong banisim rait bilong ol arapela pipel.
Ol Eria Bilong Grent/Helpim
Ol meri o miks grup lain (non-binary) i go pas – ol meri o miks grup lain (non-binary) o lain husait pait long banisim rait bilong ol arapela em ol nambawan lain long kisim helpim aninit long dispela grent o fand. Na mipela I bai amamas long givim dispela helpim aninit long lukaut bilong ogenaisesen we I toktok long rait bilong ol meri;
As-tingting sut long Rait Bilong ol Manmeri – lain I banisim o ogenaisesen we I putim rait bilong ol meri o LBTQI rait I go pas na I yusim ol bel-isi rot bilong tokaut long rait bilong olgeta manmeri;
Plen Bilong Bihain – dispela kain grent em bilong helpim wanem hevi bai I kamap bihain, na I ken banisim na sapotim ol meri na ol lain I pait long rait bilong ol. Em I ken yusim ol strongpla rot o plen long helpim na sapotim ol meri na raits grup;
Ron Wantaim Taim – projekt mas ron insait long 3-pela mun taim em I kisim tok orait, na I mas pinis bihain long 6-pela mun bihain;
I gat sapot o netwok – lain I banisim rait o ogenaisesen I pait long rait I mas I gat sapot bilong ol arapela husait I save sapotim rait bilong ol meri, sapotim rait bilong ol manmeri wantaim long lokol na nesenal level.
Antap Mak Bilong Mani
Ridim ol askim planti lain I save askim (FAQ) long here
Long save moa, yu ken salim email long mipela long dispela adres: grants@uafanp.org
1 Taim yu aplai o askim long kisim helpim, yu mas bungim olgeta dispela eria bilong grent.
OL SAMTING LONG DISPEL OL GRENT O HELPIM EM YU MAS SAVE LONG OL:
Ol grent o mani bilong helpim I stap redi na I stap long mak bilong $5 000 USD. Mipela bai I lukluk gut na glasim gut sapos wanpela grup o man o meri banisim raits I askim moa long wanpela taim long kisim dispela helpim.
Olgeta lain I askim long kisim helpim long mipela I mas bekim long wanpela bilong ol grent o helpim. Ol I ken kisim GRANTS ELIGIBILITY ASSESSMENT
Mipela I askim yu long wet na stap isi taim UAF A&P I lukluk na skelim pepa bilong yu. Plis yu mas wet long harim bekim bilong mipela insait long 48 inap long 72-pela auwa. Mipela I toktok strong olsem yu mas sekim ProtonMail inboks bilong yu o, yu ken sekim UAF A&P akaun long kisim ol toktok save bilong yu. Taim olgeta pepa wok I redi na sapos ol I wanbel long givim helpim long yu, yu ken wet inap 10 o 15-pela bisnis dei.
Mipela I kisim toksave bilong mekim mani long boslain long rijin na kantri husait I save helpim mipela gut tru long skelim gut ol aplikesen o askim pepa.
Mipela I no inap tru long tokim ol arapela long yu husait tru, na mipela wok strong long lukautim seifti o laip bilong yu. Mipela I serim aplikesen o askim pepa bilong yu wantaim UAF A&P edvaisa o ol lain husait mipela I gat bilip long ol.
Taim mipela I tok orait long givim helpim, yu ken kisim mani bilong yu insait long 10 o 15-pela dei.
Olgeta lain husait I kisim mani long mekim wok, I mas salim ripot I kam bek long ofis long tokaut long rot ol I bin yusim mani.
Sapos yu laik salim na kisim toktok wantaim mipela, yu mas yusim dispela rot: long email yusim ProtonMail na Signal sapos yu laik salim toksave. Sapos yu gat sampela askim long ol aplikesen o askim bilong yu, yu ken yusim dispela adres: grants@uafanp.org. Sapos yu gat askim long sait bilng teknoloji, salim askim bilong yu long esther@uafanp.org.
* Cisgender Man em ol lain husait I tokaut olsem ol I man na I sanap strong olsem ol tasol I man.