Mipela I luksave olsem ol lain husait I pait strong long banisim rait bilong ol manmeri na ol lain I pait long rait bilong ol yet i save bungim planti kainkain hevi.  Mipela I wok strong long banisim ol lain huasit I kisim helpim long mipela, na tu bilong UAF A&P tim.  Taim wanpela grup o manmeri I askim long kisim grent o helpim, mipela I save kisim planti infomesen o toksave long dispela lain na wanem hap ol I stap na wanem kain wok ol I mekim.  Long dispela as, mipela I laik banisim gut dispela infomesen o toktok bai ol arapela I no ken save, maski ol lain husait I wok long teknoloji tu I no ken save long dispela samting.  Na tu, sapos wanpela I kisim dispela infomesen ol bai I no inap long ridim.  ProtonMail email sevis I save gat strongpela banis long ol toktok em wanpela I salim I go long narapela.  Tasol, ProtonMail bai I wok gut na toktok bilong yu bai I gat strongpela banis sapos yu na lain husait yu wok long salim toktok long ol I yusim ProtonMail.  ProtonMail I save banisim gut tru toksave we I stap insait long seva (server) na I nogat wanpela I ken opim na lukim, na ol I no save was o lukluk long husait I yusim na I no save rekodim IP adres tu.

1. Kamapim wanpela fri ProtonMail akaun.
2. Yusim browser baten long fon o kompiuta bilong yu, go long https://apply.uafanp.org/users/sign_up.
3. Yusim ProtonMail email adres em yu bin kamapim pinis, nau yu rejista I go insait long sistem.
4. Bihain long yu sain ap pinis, sekim ProtonMail akaun bilong yu.  Sapos yu lukim olsem wanpela email I kam long tok yes akaun bilong yu I rejista pinis, orait yu presim yes na em bai ektivetim akaun bilong yu.

Presim tasol Save And Continue baten we I stap long antap bilong han sut, na yu pulamapim aplikesen fom na yu ken log aut.

TOKSAVE:  Yu mas hariap long seivim (save) ol infomesen o toktok em yu bin putim I go insait long 2 inap long 5 minit.  Sapos yu no seivim hariap, bai olgeta dispela infomesen I lus.  Sistem bai I no inap long seivim (save) wok bilong yu, yu yet mas hariap long presim Save and Continue baten.

1. Log I go insait long akaun bilong yu.
2. Presim UAF A&P ID link o yu ken presim View baten long han sut bilong aplikesen em yu laik editim/stretim.

Yu bai kisim wanpela email, we bai I tokim yu long UAF A&P aplikesen namba.

Dispela kain web o intanet yu yusim I gat taim we em I save stop.  Sapos yu kisim longpela taim tru long pulamapim aplikesen pepa bilong yu, yu mas save olsem em bai stop.   Yu ken abrusim dispela long tupela rot:

1. Mekim kopi bilong ol askim insait long aplikesen pepa, na raitim ol bekim bilong yu insait long Word o Text autsait long fon o kompiuta.  Bihain yu kopim ken I go insait long aplikesen fom/pepa bilong yu.  O,
2. Seivim (save) klostu klostu taim yu wok, presim Save and Continue baten we I stap antap long han sut.  Yu ken seivim wok bilong yu bihain long yu pulamapim wanwan bekim long pepa.  Long dispela rot bai yu no inap lusim ol wok bilong yu.

Bai yu kisim wanpela toksave email I kam long grants@uafanp.org taim yu salim aplikesen bilong yu I go gut long mipela.  Dispela email bai I toksave long yu long aplikesen namba bilong yu.  Sapos yu no kisim wanpela kain email olsem, plis sekim get pepa na lukim sapos yu bin pulamapim gut olgeta askim antap long pepa.  (ol askim we yu bai pulamapim I gat dispela mak * long retpela kala).

UAF I save kisim planti ol aplikesen.  Mipela bai I kisim olsem 10-pela dei long bekim yu.  Na sapos yu no harim sampela toktok long mipela yet, plis SEKIM PROTONMAIL INBOKS bilong yu.  Sapos I nogat wanpela toktok yet, plis wet.

Yu mas sekim ProtonMail akaun bilong yu taim yu wet.  Bai I gat toksave I kam insait long ProtonMail akaun bilong yu sapos fesiliteta o ofisa husait I wok long aplikesen bilong yu I painim olsem I gat sampela asua o I gat sampela samting em I laik save moa bihainim aplikesen bilong yu.

Yu ken putim askim bilong yu insait long hap we I tok Comments antap long aplikesen pepa bilong yu, o yu ken salim email long grants@uafanp.org.  Sapos yu laik go long Comments seksen, mekim olsem:

1. Log in o go insait long dispela adres https://apply.uafanp.org/users/sign_in.
2. Presim UAF A&P ID link o presim View baten long han sut (rait han) bilong aplikesen we yu laik stretim.
3. Presim Gear baten long antap long han sut, na yu presim Comments baten.
4. Putim daun koment o askim bilong yu insait long POST A COMMENT bokis na yu presim Post baten.

Created – dispela tok I min olsem aplikesen bilong yu em I seiv.

Filed – aplikesen bilong yu I go pinis

Received – ol I makim pinis wanpela fesiliteta o ofisa long wok long aplikesen bilong yu

In Process – ol I wok long skelim na glasim aplikesen bilong yu

Denied – ol I rausim o tok nogat long aplikesen bilong yu

Approved – ol I tok orait long aplikesen bilong yu

Disbursed – ol I salim mani I go pinis long husait I bin askim long kisim helpim

Closed – ol I wokim disisen pinis, na ripot bilong mani na ripot bilong rot ol I yusim mani I kam bek    pinis.

1. Log in o go insait long akaun bilong yu.
2. Presim link long email toksave bilong yu.  Dispela bai I soim yu ol toktok save bilong aplikesen bilong yu.
3. Presim Gear baten (antap long han sut) na yu presim Comments baten.

1. Log in o go insait long akaun bilong yu.
2. Presim link long email toksave.  Dispela bai I soim ol toksave bilong aplikesen bilong yu.
3. Presim Gear baten (antap rait) na presim Attachment baten.
4. Painim dokiumen yu laikim long en, na yu presim download baten.

1. Yusim browser long fon o kompiuta bilong yu, go long adres https://apply.uafanp.org/users/password/new
2. Putim ProtonMail email adres bilong yu I go insait na presim Send Me Reset Password Instructions baten.
3. Sekim ProtonMail akaun bilong yu long wanpela toksave we bai I tok ‘Reset Pasword Instructions’
4. Presim Change My Password link insait long email
5. Putim nupela paswod o hait nem insait long ol boks I stap insait, na yu presim Change My Password baten.

1. Log in o go insait long sistem.
2. Presim My Profile baten we I stap long antap raithan sait, na bai yu lukim wanpela fom bai I kamap.  Dispela fom I gat olgeta infomesen o toktok bilong yu I stap long en.
3. Presim Edit baten (stap long antap rait han) na yu ken senisim ol infomesen o toktok yu laik mekim senis long en.
4. Presim Save Profile baten (stap long damblo rait) na yu bai seivim ol senis yu mekim long en.

TOKSAVE: Dispela toktok o infomesen yu putim insait long profail (profile) bilong yu bai I mas wankain long olgeta aplikesen we bai yu salim bihain.

1. Log in o go insait long sistem.
2. Presim antap long rait han sait, na presim Change Password.
3. Putim paswod o hait nem we yu yusim nau yet na nupela paswod o hait nem yu laik yusim insait long hap we ol I makim long en.  Nau yu presim Update baten.

Yu bai kisim wanpela email toksave sapos I gat update o nupela toktok long aplikesen bilong yu.  Na tu, yu yet ken login o go insait long UAF A&P websait na sekim aplikesen bilong yu.

1. Login o go insait long sistem.
2. Presim baten we I tok Apply for a Grant, (antap-namel) na makim wanem kain grent o helpim em yu laik aplai long en.  Pulamapim aplikesen fom.  Yu mas bekim olgeta askim we I stap antap long pepa na yu salim pepa bilong yu I go.

1. Daunlodim (download) ol rait fom o pepa long https://www.uafanp.org/application-forms.  Pulamapim gut olgeta toktok antap long pepa sapos yu laikim ol I hariap long stretim aplikesen o pepa bilong yu.
2. Statim/Opim fri ProtonMail akaun bilong yu.
3. Yusim ProtonMail akaun bilong yu na salim aplikesen bilong yu I go long grants@uafanp.org.  Plis salim email long grants@uafanp.org sapos yu laik kisim moa helpim long aplikesen bilong yu.  Yu ken aplai long kisim grent/helpim long hia.

Please see https://uafanp.org/how-enable-two-factor-authentication-2fa-uaf-ap-grants-system for a complete guide.